Qazaqstan men Reseı kómir JEO salý jóninde úkimetaralyq kelisim jasady

ASTANA. KAZINFORM - Búgin Qazaqstan Respýblıkasy men Reseı Federatsııasynyń energetıka mınıstrlikteri arasynda Kókshetaý, Semeı jáne Óskemen qalalarynda JEO salý jobalary boıynsha yntymaqtastyq týraly kelisimge qol qoıyldy. 

Taraptar «INTER RAO — Eksport» JShQ jáne «Samuryq-Energo» AQ atynan ýákiletti uıymdardy anyqtady.

«Úsh oblys ortalyǵynda — Semeı, Kókshetaý jáne Óskemende úsh jańa JEO iske asyrý energetıkalyq kómirdiń mol qoryn eskere otyryp, olardyń odan ári damýyna qýatty serpin beredi», — dep atap ótti QR Energetıka mınıstri Almasadam Sátqalıev.

Qazaqstan tarapynan ýákiletti uıym «Samuryq-Energo» AQ atynan aǵymdaǵy jyldyń ózinde-aq JEO shoty boıynsha birinshi iske asyrýdy bastaý úshin tıisti jol kartasyn qalyptastyrdy.