Qazaqstan men Reseı Keden odaǵynyń syrtqy shekaralarynda kóliktik baqylaý jóninde kelisim daıarlaýda
STANA. Maýsymnyń 22-si. QazAqparat /Rýslan Ǵabbasov/ - Búgin Astanada Qazaqstan men Reseı ókilderiniń qatysýymen Kedendik odaqtyń syrtqy shekaralarynda kóliktik baqylaýdy uıymdastyrý máseleleri boıynsha keńes ótti,
dep habarlaıdy QazAqparat.
Keńes barysynda taraptar Kedendik odaqtyń syrtqy shekaralaryndaǵy kóliktik baqylaý jónindegi kelisimniń jobasyn talqylady.
«Atalǵan kelisimde Keden odaǵy shekarasynda júzege asyrylýy qajet is-qımyldardyń tizimi naqty aıqyndalyp kórsetilýi josparlanyp otyr. Máselen, onda sheteldik jáne keden odaǵy elderiniń tasymaldaýshylarynyń ruqsat etý qujattaryna baqylaýdy iske asyrý, kólemdik jáne salmaqtyq parametrler turǵysynda talaptardy saqtaý máseleleri eskerilmek», dedi QR Kólik jáne kommýnıkatsııa mınıstrliginiń Kóliktik baqylaý komıtetiniń tóraǵasy Áset Asaýbaev.
Onyń sózine qaraǵanda kelisimdi QR Parlamentiniń qaraýyna aldaǵy jyldyń basynda engizý josparlanyp otyr.
