Qazaqstan men Reseı ІІM Birlesken alqasynyń úshinshi otyrysy ótti
ASTANA. QazAqparat - Aǵymdaǵy jylǵy 20-21 tamyz kúnderi Irkýtsk qalasynda (Reseı Federatsııasy) Qazaqstan Respýblıkasy jáne Reseı Federatsııasy ishki ister mınıstrlikteriniń Birlesken alqasynyń úshinshi otyrysy ótti, dep habarlaıdy QR ІІM baspasóz qyzmeti.
Alqa otyrysyna Qazaqstan Respýblıkasynyń Іshki ister mınıstri Q. Qasymov, Reseı Federatsııasynyń Іshki ister mınıstri V.Kolokoltsev, sondaı-aq eki el mınıstrleriniń orynbasarlary, QR ІІM jáne RF ІІM ortalyq apparattarynyń basshylary, TMD-daǵy Uıymdasqan qylmysqa jáne qylmystyń ózge de qaýipti túrlerine qarsy kúresti úılestirý jónindegi bıýrosynyń (BKBOP SNG) dırektory, osy bıýroǵa Qazaqstan Respýblıkasynan taǵaıyndalǵan ókil, sondaı-aq jekelegen óńirlerdiń ІІD basshylary qatysty.
Jıynda mınıstrler Birlesken alqanyń ekinshi otyrysynda (Óskemen q. 2016 j) qabyldaǵan sheshimderdiń sátimen júzege asyrylyp jatqanyn, sonyń ishinde shekaralyq yntymaqtastyq aıtarlyqtaı arta túskenin atap ótti.
Kezdesý barysynda Qazaqstan men Reseı ishki ister organdarynyń zańsyz esirtki aınalymyna qarsy kúres salasyndaǵy ekijaqty yntymaqtastyǵy jan-jaqty qarastyryldy. Osy másele boıynsha Qazaqstan men Reseıdiń shekeralas óńirlerinde, atap aıtqanda Kaspıı teńizi aýmaǵynda jedel aldyn alý operatsııalaryn ótkizý týraly sheshim qabyldandy.
Buǵan qosa, taraptar zańsyz kóshi-qonǵa qarsy is-qımyl salasyndaǵy yntymaqtastyǵyn uıymdastyrý, ulttyq zańnamalardaǵy ózgerister týraly málimetterdi jedel almasý jáne osy baǵyttaǵy tıimdi jumys tájirıbesimen bólisýdi jandandyrý máseleleri boıynsha pikir almasty.
Otyrystyń qorytyndysynda delegetsııa basshylary zańsyz esirtki aınalymyna qarsy kúreste vedomstvoaralyq yntymaqtastyqty jetildirý, sondaı-aq zańsyz kóshi-qonǵa qarsy is-qımyl salasyndaǵy ekijaqty yntymaqtastyqty uıymdastyrýǵa qatysty sheshimderge qol qoıyp, sonymen birge Birlesken alqanyń 2018 jylǵy Jumys josparyn bekitti.
Qazaqstan Respýblıkasy men Reseı Federatsııasy ishki ister mınıstrlikteriniń Birlesken alqasynyń kelesi otyrysy Qazaqstanda ótkiziletin boldy.
