Qazaqstan men Reseı Ertis ózenin qorǵaý máselesin talqylady
ASTANA. KAZINFORM – Qazaqstan Respýblıkasy Ekologııa jáne tabıǵı resýrstar vıtse-mınıstri M.T. Oshýrbaev «Jahandyq logıstıkalyq ekojúıeni qalyptastyrý: Qazaqstan men Reseı yntymaqtastyǵynyń jańa kókjıekteri» taqyrybyndaǵy Qazaqstan men Reseıdiń óńiraralyq yntymaqtastyǵynyń XXII forýmyna qatysyp jatyr.
QR Ekologııa jáne tabıǵı resýrstar mınıstrligi baspasóz qyzmetiniń habarlaýynsha, Ertis ózeniniń ekojúıesin saqtaýǵa arnalǵan taqyryptyq sessııa aıasynda qatysýshylar transshekaralyq sý resýrstaryn utymdy paıdalaný jáne qorǵaý máselelerin, sondaı-aq osy saladaǵy Qazaqstan men Reseı arasyndaǵy yntymaqtastyqty odan ári damytý baǵyttaryn talqylady.
M.T. Oshýrbaev Qazaqstan men Reseı arasynda transshekaralyq sý obektilerin paıdalaný jáne qorǵaý máseleleri boıynsha tıimdi ózara is-qımyl jolǵa qoıylǵanyn atap ótip, Ertis ózeniniń ekojúıesin saqtaý baǵytyndaǵy birlesken jumystyń mańyzdylyǵyna toqtaldy.
Іs-shara qorytyndysy boıynsha taraptar qorshaǵan ortany qorǵaý jáne sý resýrstaryn ornyqty paıdalaný salalaryndaǵy ekijaqty yntymaqtastyqty odan ári nyǵaıtýǵa, sondaı-aq birlesken bastamalardy iske asyrýǵa ózara múddeliligin rastady.
Osyǵan deıin mamandar Ertis deńgeıi ne sebepti tómendegenin túsindirgen bolatyn.
