Qazaqstan men Reseı birlesken energetıkalyq jobalardy talqylady
ASTANA. KAZINFORM — Erlan Aqkenjenov Reseıdiń energetıka blogynyń basshylyǵymen birqatar kezdesý ótkizdi, dep habarlaıdy Energetıka mınıstrliginiń baspasóz qyzmeti.
Máskeýde Qazaqstan Respýblıkasynyń Energetıka mınıstri Erlan Aqkenjenov Reseı Federatsııasy Úkimeti Tóraǵasynyń orynbasary Aleksandr Novakpen jáne RF Energetıka mınıstri Sergeı Tsıvılevpen kezdesti.
Kelissózder barysynda taraptar energetıka salasyndaǵy ekijaqty yntymaqtastyqtyń ózekti máselelerin, sonyń ishinde munaı-gaz salasy men elektr energetıkasyndaǵy ózara is-qımyldy, sondaı-aq birlesken ınfraqurylymdyq jobalardy damytýdy talqylady.
Taraptar strategııalyq seriktestikti odan ári nyǵaıtýǵa jáne energetıka salasyndaǵy ózara is-qımyldy tereńdetýge múddeli ekendikterin rastady.
Kezdesýler qorytyndysy boıynsha eki el ekonomıkasynyń turaqty damýy men energetıkalyq qaýipsizdigin qamtamasyz etýge baǵyttalǵan belsendi dıalogty jalǵastyrý jáne birlesken jobalardy pysyqtaý týraly ýaǵdalastyqqa qol jetkizildi.
Budan buryn salalyq zertteý jarııalaǵan edi. Oǵan sáıkes energetıka salasyndaǵy árbir altynshy qyzmetker jumys istegen alǵashqy jyly-aq ketip qalady.
