Qazaqstan men Reseı birlesken 70 ınvestıtsııalyq jobany júzege asyryp jatyr
ASTANA. KAZINFORM – Ortaq bastamalar qos eldiń arasyndaǵy jan-jaqty baılanysty kúsheıtedi. Bul jóninde Reseı Prezıdenti Vladımır Pýtın Qazaqstanǵa memlekettik sapary aıasynda Qasym-Jomart Toqaevpen resmı kezdesýinde málimdedi.
– Úkimetaralyq, vedomstvoaralyq jáne kommertsııalyq kelisimderdiń aýqymdy paketi daıyndaldy. Olar ekonomıka men energetıkadan bastap mádenı-gýmanıtarlyq jobalarǵa deıin barlyq salany qamtıdy. Munyń bári ózara áriptestikti nyǵaıtady. Reseı – Qazaqstannyń eń basty saýda seriktesteriniń biri. 2025 jyly taýar aınalymy aıtarlyqtaı ósti. Birlesken 70 ınvestıtsııalyq joba iske asyrylyp jatyr, – dedi ol.
Sonymen qatar, Vladımır Pýtın Qasym-Jomart Toqaevtyń Qazaqstan men Reseı arasyndaǵy óńiraralyq baılanys jónindegi málimdemesine qoldaý bildirdi.
– Jyl saıyn óńiraralyq seriktestik forýmdary uıymdastyrylady. Ótken jyldyń qarasha aıynda Qazaqstanda sondaı kezdesý ótti. Bul atalǵan formattaǵy 21-shi jıyn bolatyn. Kelesi forým da jemisti bolatynyna kúmán keltirmeımiz. Siz aıtqandaı, aldaǵy forým 20 tamyzda Ombyda ótedi, – dedi Vladımır Pýtın.
Aıta keteıik, buǵan deıin Qazaqstan men Reseı arasyndaǵy taýar aınalymy 16%-ǵa artqanyn jazǵanbyz.
