Qazaqstan men Reseı bıznestiń quqyqtyq problemasyn sheshý úshin tájirıbe almasýda
«Búginde quqyqtyq salada bıznesti alańdatatyn máselelerdi sheshý barysynda tájirıbe almasý qarqyndy júrip jatyr», - dedi ol.
Sonymen qatar ol Qazaqstanda bıznes úshin keri baılanystyń oryn alǵanyn atap ótip, muny joǵary jetistik dep baǵalaıtyndyǵyn jetkizdi.
«Kez kelgen qaýymdastyq kásipkerlik quqyqty qorǵaý men onyń múddesin tanytý úshin qyzmet etedi. Sondyqtan bizdiń zańnama basqynshylyq sıpatta emes, dostyq peıilde bolýy tıis. Bul baǵyttaǵy jumystar júrgizilip te jatyr. Bizde zańnama men onyń qaıshylyqtaryn jaqsy biletin ınstıtýttar bar. Bizdiń eń basty mindetimiz - kelissózder júrgize alý kúshi, bıznes úshin erejelerdi ózgertý. Memlekettik apparattyń bıznestiń qajettiligine qaraı nazar aýdarýynda aıtarlyqtaı nátıje de bar», - dedi basqarma tóraǵasy.
Abylaı Myrzahmetov elimizdiń Bas prokýratýrasymen, Memlekettik qyzmet isteri jáne sybaılas jemqorlyqqa qarsy kúres agenttigimen birlesken jumystar júrgizilip jatqandyǵyn aıryqsha atap ótti.
«Sybaılas jemqorlyq qaýpine qatysty shaǵymdardy anyqtaý jáne júıeli sharalar usyný boıynsha birlesken jumys júrgizilýde. Bizdiń mindetimiz - sheneýnikke kásipkerlik qyzmetke jasalatyn kedergi úshin qoldanylatyn jaza bar ekenin kórsetý. Sondyqtan kez kelgen zań men qujatty kásipkerlermen kelisý mańyzdy. Osy baǵyttaǵy jumys júrgizilýde. Memleket pen bıznesten bólek halyq bar, osyǵan oraı kásipkerliktiń adaldyǵy mańyzdy. Halyq sapaly qyzmet alýy kerek», - dedi ol.
Aıta keteıik, búgin elordada Astanada Qazaqstan men Reseı bıznes-ombýdsmenderiniń І forýmy ótti. Sharaǵa eki eldiń bıznes-ombýdsmenderi, «Atameken» QR UKP ókilderi men eki eldiń iskerlik delegatsııasy qatysty.