Qazaqstan men Reseı Baıqońyr ǵarysh aılaǵy qyzmetiniń ekologııalyq qaýipsizdigi máselesin talqylaıdy

ASTANA. QazAqparat - 12-13 naýryzda Reseı jáne Qazaqstan taraptary ókilderiniń Baıqońyr ǵarysh aılaǵy qyzmetiniń ekologııalyq qaýipsizdigi boıynsha Qazaqstan-Reseı baǵdarlamasy jónindegi Tehnıkalyq keńesiniń otyrysy ótedi.

Bul týraly búgin ótken brıfıngte Ortalyq kommýnıkatsııalar qyzmetiniń resmı ókili Altaı Ábıbýllaev málimdedi.

«Sonymen qatar, 14 naýryzda Almatyda «Qazǵarysh» basshysy Talǵat Musabaevtyń basshylyǵymen «Ǵaryshtyq zertteýler jáne tehnologııalar ulttyq ortalyǵy» AQ-nyń 10 jyldyǵyna oraı ǵarysh, ǵylym jáne tehnologııalar taqyrybynda jumys keńesi ótedi», - dedi A. Ábıbýllaev.