Qazaqstan men Reseı arasyndaǵy taýaraınalymy bıylǵy 8 aıda 14 mlrd. dollardan asty

ASTANA. QazAqparat - Qazaqstan men Reseı arasyndaǵy taýar aınalymy 2014 jyldyń 8 aıynda 14 mlrd. dollardan asty. Bul týraly búgin Astanada ótip jatqan Ýdmýrt Respýblıkasynyń (Reseı Federatsııasy) bıznes-mıssııasy barysynda RF Saýda ókili Aleksandr ıAkovlev aıtty.

«2013 jyl Qazaqstan-Reseı saýda-sattyq qarym-qatynsanyń jemisti kezeńi boldy. Jyl qorytyndysy boıynsha Qazaqstan reseıdiń syrtqy saýda áriptesteri arasynda 11-orynǵa turaqtasa, Reseı Qazaqstannyń syrtqy saýda áriptesteri arasynda birinshi oryndy aldy. Federaldy keden qyzmetiniń málimeti boıynsha, 2013 jyly eki el arasyndaǵy saýda aınalymy 26,5 mlrd. dollardy qurady, ósim 3 paıyzdy kórsetti. Al bıylǵy 8 aıda Qazaqstan men Reseı arasyndaǵy taýaraınalymy 14 mlrd. AQSh dollaryn qurap otyr», - dedi A.ıAkovlev. Aıta keteıik, bıznes-mıssııa jumysyna Ýdmýrt Respýblıkasynyń 11 iri kásiporny men Astana qalasy Ulttyq kásipkerler palatasynyń ókilderi, sondaı-aq, eki eldiń shaǵyn jáne orta bıznes qatysýshylary atsalysty.