Qazaqstan men Reseı arasyndaǵy readmıssııa týraly kelisim qabyldandy - Senat
ASTANA. QazAqparat -Búgin Parlament Senatynyń jalpy otyrysynda «Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy readmıssııa týraly kelisimdi jáne Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy readmıssııa týraly kelisimdi iske asyrý tártibi týraly atqarý hattamasyn ratıfıkatsııalaý týraly» QR Zańy qabyldandy.
Eki el arasyndaǵy kelisimge 2012 jyly 7 maýsymda Astanada Qazaqstannyń Іshki ister mınıstri men Reseıdiń Federaldyq kóshi-qon qyzmetiniń dırektory qol qoıǵan. Qujat eki memlekettiń aýmaǵyna kirý jáne onda bolý sharttaryn buzǵan adamdardy anyqtaýdy jáne qaıtarýdy kózeıdi. Bul sanatqa elimizdiń aýmaǵyna zańsyz nemese zańdy jolmen, biraq ruqsatynyń merzimi ótip ketken adamdar jatady.
Sonymen qatar, kelisim boıynsha Qazaqstan Respýblıkasynyń Іshki ister mınıstrligi men Reseı Federaldyq kóshi-qon qyzmeti osy kelisimdi júzege asyratyn quziretti organdar bolyp tabylady.
«Tutastaı alǵanda, kelisimdi ratıfıkatsııalaý zańsyz kóshi-qonǵa qarsy kúresti kúsheıtedi. Eki memleket aýmaǵynda zańsyz jolmen júrgen tulǵalardy qabyldaý men olardyń tranzıtin halyqaralyq quqyqtarǵa sáıkes jeńildete túsedi», - dedi Іshki ister mınıstri Qalmuhanbet Qasymov.
Parlament qabyldaǵan qujat Memleket basshysynyń qol qoıýyna joldanady.
