Qazaqstan men Reseı arasyndaǵy áýe reısteri qashan qalpyna keledi

NUR-SULTAN. QazAqparat – Qazaqstan men Reseı arasyndaǵy áýe reısteri qashan iske qosylady? Bul suraqqa OKQ alańynda ótken baspasóz máslıhatynda QR Densaýlyq saqtaý mınıstrliginiń kóliktegi bas sanıtar dárigeri Sádýaqas Baıǵabylov jaýap berdi, dep habarlaıdy QazAqparat tilshisi.

«Búkil halyqaralyq reıster boıynsha másele qaralýda. Sheshimder kezeń-kezeńimen qabyldanady. Tıisinshe koronavırýs ınfektsııasy boıynsha Reseı Federatsııasyndaǵy jaǵdaıdyń turaqtanýyna baılanysty sımmetrııalyq sheshimderdi esepke ala otyryp, ol baǵyttaǵy halyqaralyq reısti qaıta qalpyna keltirý máselesi qaralady», - dedi Sádýaqas Baıǵabylov.

Eske sala ketsek, Sádýaqas Baıǵabylov buǵan deıin Qazaqstan turaqty áýe reısin qalpyna keltiretin elderdiń tizimin uzartyp jatqanyn habarlaǵan edi.

«Qazaqstan turaqty halyqaralyq áýe reısterin qalpyna keltiretin birinshi jáne ekinshi sanattaǵy memleketter tizimi uzartyldy», - dedi ol baspasóz máslıhatynda.