Qazaqstan men Reseı arasynda saýda-sattyq artyp keledi - Memleket basshysy
ASTANA. QazAqparat – Qazaqstan men Reseı arasynda saýda-sattyq artyp keledi. Bul týraly eki eldiń óńiraralyq yntymaqtastyq forýmynyń XVIII jalpy otyrysyna qatysýshylarǵa vıdeokonferentsııa rejıminde sóz arnaǵan Memleket basshysy Qasym-Jomart Toqaev aıtty, dep habarlaıdy QazAqparat tilshisi.
«Ótken jyly Qazaqstan men Reseı arasynda taýar kólemi jańa rekordty mánge jetip, is júzinde 24,5 mlrd AQSh dollaryn qurady. Osy jyldyń alǵashqy on aıynyń qorytyndysynda da taýar aınalymy 5 paıyzǵa óskenin kórsetip otyr», - dedi Qasym-Jomart Toqaev.
Qazaqstan Prezıdenti Reseıge qazaqstandyq eksport túrleriniń de artqanyn basa aıtty.
«Ótken jylmen salystyrǵanda taýarlyq pozıtsııa sany 640-tan 1 050 ataýǵa deıin artty. Reseılik óńirlerge jetkizilim 2,5 esege jýyq ulǵaıdy. Bul – Almatydan. Al mysal retinde aıtar bolsaq, Astanadan 5 esege ósti. Shekara mańyndaǵy saýda da aıtarlyqtaı jandana tústi. Aıtalyq, Aqtóbe oblysynan Reseıge jetkizilim - 48, Pavlodar oblysynan 36 paıyzǵa artty», - dedi Qasym-Jomart Toqaev.
