Qazaqstan men Reseı arasyndaǵy sanıtarııalyq kelisim jobasy jarııalandy
ASTANA. KAZINFORM – Qazaqstan men Reseı arasyndaǵy halyqtyń sanıtarııalyq-epıdemıologııalyq salamattylyǵyn qamtamasyz etý salasyndaǵy yntymaqtastyq týraly kelisimge qol qoıý jónindegi Úkimet qaýlysynyń jobasy Ashyq NQA portalynda qoǵamdyq talqylaýǵa shyǵaryldy.
Jobany ázirleýshi – Qazaqstan Respýblıkasynyń Densaýlyq saqtaý mınıstrligi. Qujat QR «Halyqaralyq sharttar týraly» zańynyń 5 jáne 15-baptaryn iske asyrý maqsatynda daıyndalǵan.
– Kelisimniń negizgi maqsaty – eki memleket arasynda sanıtarııalyq-epıdemıologııalyq qaýipsizdik salasyndaǵy yntymaqtastyqty keńeıtý jáne halyqtyń densaýlyǵyn qorǵaý baǵytyndaǵy ózara is-qımyldy kúsheıtý, - delingen habarlamada.
Mınıstrliktiń málimetinshe, joba qabyldanǵan jaǵdaıda teris áleýmettik-ekonomıkalyq nemese quqyqtyq saldar kútilmeıdi.
Qoǵamdyq talqylaý 23 qazanǵa deıin jalǵasady.
Eske sala keteıik, Qazaqstan men Reseı ózara taýar aınalymyn arttyrý máselesine basa nazar aýdarmaq.