Qazaqstan men Portýgalııa ýnıversıtetteri týrızm salasynda yntymaqtastyq ornatady

LISSABON. QazAqparat - Qazaqstannyń Portýgalııadaǵy Elshiliginiń qoldaýymen onlaın rejımde Halyqaralyq týrızm jáne qonaqjaılyq ýnıversıteti men Algarve ýnıversıteti arasynda yntymaqtastyq týraly memorandýmǵa qol qoıyldy.

Qol qoıý rásiminde Halyqaralyq týrızm jáne qonaqjaılyq ýnıversıtetiniń basqarma tóraǵasy - rektory Maınıýra Mýrzamadıeva quttyqtaý sózimen sóıledi.

Portýgal tarapynan osy is-sharaǵa Algarve ýnıversıtetiniń ǵylym jáne halyqaralyq baılanystar jónindegi prorektory Aleksandra Teodosıo jáne Algarve ýnıversıtetiniń Menedjment, týrızm jáne qonaqjaılyq joǵary mektebiniń dırektory Aleksandra Gonsalves qatysty.

Suhbat barysynda taraptar týrızmdi damytý jáne ulttyq týrıstik ónimdi nasıhattaý boıynsha tájirıbe almasýǵa qyzyǵýshylyq tanytty.

Týrızm úshin kadrlar daıarlaý jáne osy salany basqarýdyń zamanaýı ádisterin engizý máselelerine erekshe nazar aýdarylady. Akademııalyq baılanystar men birlesken bilim baǵdarlamalaryn damytýǵa qyzyǵýshylyǵy bildirildi.

Qujat oqytý, zertteý jáne tájirıbe almasý maqsatynda stýdenttermen, professorlyq-aǵartýshy quramymen almasýdy, sondaı-aq týrızm men qonaqjaılylyq ındýstrııasyn damytý boıynsha birlesken konferentsııalar, semınarlar ótkizýdi kózdeıdi.

Ýnıversıtetnr arasyndaǵy yntymaqtastyq týraly memorandýmǵa qol qoıý eki el arasyndaǵy mádenı-gýmanıtarlyq yntymaqtastyqty odan ári nyǵaıtýǵa jaǵdaı jasaıdy.

Memorandýmǵa qol qoıý rásimine Qazaqstannyń Portýgalııadaǵy Elshisi Dáýlet Batyrashev qatysty.