Qazaqstan men Polsha arasyndaǵy dıplomatııalyq qatynasqa shırek ǵasyr toldy
ASTANA. QazAqparat - Ústimizdegi jyly Qazaqstan Respýblıkasy men Polsha Respýblıkasy arasyndaǵy dıplomatııalyq qarym-qatynastardyń ornatylýyna shırek ǵasyr - 25 jyl tolyp otyr. Osy kezeń ishinde bizdiń elderimiz arasynda barlyq salada tyǵyz yntymaqtastyq ornady. Ásirese, ǵylym men bilim salasyndaǵy baılanystar atap ótýge turarlyq. Polsha memleketi osy 25 jyl ishinde elimizdiń Shyǵys Eýropadaǵy eń belsendi áriptesteriniń birine aınaldy.
Ál-Farabı atyndaǵy Qazaq ulttyq ýnıversıteti men Polshanyń joǵary oqý oryndary arasyndaǵy qarym-qatynastar jyldan-jylǵa jandanyp keledi. Bul oraıda oqý ordamyzdyń Varshava, Poznan, Torýn ýnıversıtetterimen aradaǵy ózara tıimdi baılanystaryn atap ótýge bolady.
Sondaı-aq stýdentter men magıstranttardyń akademııalyq utqyrlyǵy da jańa deńgeıge kótergenin atap ótýimiz kerek.
Osynaý ataýly dataǵa oraı tarıh, arheologııa jáne etnologııa fakýltetiniń dúnıejúzi tarıhy, tarıhnama jáne derektaný kafedrasy men jýrnalıstıka fakýltetiniń baspagerlik-redak¬tor¬lyq jáne dızaınerlik óner kafedrasy «Ál-Farabı álemi» halyqaralyq forýmy aıasynda Qazaqstan Respýblıkasy men Polsha Respýblıkasy arasyndaǵy dıplomatııalyq qarym-qatynastar ornaýynyń 25 jyldyq mereıtoıyna arnalǵan «Jemisti yntymaqtastyq tarıhy» taqyrybyna dóńgelek ústel ótkizdi.
Qazirgi Qazaqstan-Polsha qarym-qatynastary saıası, aımaqaralyq, ǵylymı, mádenı-gýmanıtarlyq, sporttyq jáne basqa salalarda tabyspen damyp keledi. Polshamen aradaǵy yntymaqtastyqta ekonomıka, ınvestıtsııa, ındýstrııa-ınnovatsııa jáne tranzıt-kólik salalaryna basa kóńil bólinýde. Polsha Qazaqstannyń Ortalyq jáne Shyǵys Eýropa elderi arasyndaǵy jetekshi áriptesteriniń biri bolyp tabylady.
2016 jylǵy mamyrda bolǵan Astana ekonomıkalyq forýmynda Polshanyń EKSPO-2017 kórmesine qatysýy týraly kelisimge qol qoıyldy. Polıak toptarynda Qazaqstan Prezıdenti N.Á.Nazarbaevtyń mátinderi polıak ti¬linde jarııalanǵan «100 naqty qadam» Ult jospary, «Qazaqstan-2050» damý strategııasy, «Nurly jol» memlekettik baǵdarlamasy, Qazaqstan Prezı¬dentiniń «Álem. HHІ ǵasyr» manıfesi sııaqty bastamalary shynaıy ynta týǵyzdy. Polsha Qazaqstannyń ıadrosyz álem úshin halyqaralyq kúrestegi jetistikterin joǵary baǵalaıdy jáne 2017-2018 jyldarda BUU Qaýipsizdik Keńesiniń turaqty emes múshesi retinde kún tártibin birlese júzege asyrýdaǵy tyǵyz yntymaqtastyqqa senim bildiredi.
Dóńgelek ústel jumysyna Polshanyń Qazaq¬standaǵy konsýly, keńesshi-ýákil Radoslav Grýk, Polsha elshiliginiń saýda men ınvestıtsııaǵa járdemdesý bóliminiń basshysy Vlodjımej Kýrovskı, Almaty qalasyndaǵy Syrtqy ister mınıstrligi ókildigi saıası tobynyń keńesshisi Almasha Arynova, Qazaqstan Respýblıkasy Prezıdenti Arhıvi dırektorynyń orynbasary Qaırat Álimǵazınov, «Almatınskıı kýrer Polonıınyı» jýrnalynyń Bas redaktory, «Venz» dostyq qoǵamynyń tór¬aǵasy Oleg Chervınskı sııaqty mártebeli meımandar qatysyp, sóz sóıledi.
Al, tarıh ǵylymynyń doktorlary, professorlar Gúljaýhar Kókebaeva men Serik Máshimbaevtyń, jýrnalıstıka fakýltetiniń ustazdary Amanqos Mekteptegi men Sharıpa Nurjanovanyń, Jetpisbaı Bekbolatulynyń maz¬mundy baıandamalaryn jınalǵan qaýym zor yqy¬laspen tyńdady. Jıynǵa Almatydaǵy polıak qa¬ýym¬dastyǵynyń músheleri belsene atsalysty.
Májilis sońynda dóńgelek ústel jumysyna qa¬tysýshylar arnaıy qarar qabyldady.
