Qazaqstan men Pfizer medıtsınalyq yntymaqtastyqty kúsheıtpek
ASTANA. KAZINFORM - Qazaqstan Respýblıkasy Syrtqy ister mınıstriniń ,irinshi orynbasary Erjan Ashyqbaevtyń «Pfaızer Qazaqstan» JShS Bas dırektory, Pfizer kompanııasynyń Qazaqstan, Ortalyq Azııa elderi, Kavkaz jáne Mońǵolııa (CauCAR) boıynsha sýbklasteriniń basshysy Dmıtrıı Kozenkovpen kezdesti.
QR Syrtqy ister mınıstrligi baspasóz qyzmetiniń habarlaýynsha, kezdesýge sondaı-aq Qazaqstan Respýblıkasy Densaýlyq saqtaý mınıstrliginiń ókilderi qatysty.
Taraptar Pfizer kompanııasynyń Qazaqstandaǵy ınvestıtsııalyq jobasyn iske asyrýdyń ózekti máselelerin talqylady.
Mınıstrdiń birinshi orynbasary Pfizer kompanııasy Qazaqstannyń densaýlyq saqtaý jáne farmatsevtıka salasyndaǵy negizgi halyqaralyq seriktesteriniń biri ekenin atap ótti. Osyǵan baılanysty medıtsınalyq saladaǵy ınvestıtsııalyq jobalardy iske asyrý úshin boljamdy ári qolaıly jaǵdaılardy qamtamasyz etýdiń mańyzdylyǵyna erekshe toqtaldy.
-Taraptar yntymaqtastyqty damytý jáne zamanaýı medıtsınalyq sheshimderge qoljetimdilikti qamtamasyz etý máseleleri boıynsha konstrýktıvti ózara is-qımyldy jalǵastyrýǵa múddeli ekenderin rastady,-delingen habarlamada.
Osyǵan deıin Pfizer jáne Roshe kompanııalary Qazaqstanda dári-dármek óndiretini týraly jazdyq.
