Qazaqstan men Palestına saıası jáne gýmanıtarlyq baılanystardy nyǵaıtpaq
ASTANA. KAZINFORM - Qazaqstan Respýblıkasy Syrtqy ister mınıstriniń orynbasary Arman Isaǵalıev Palestına Memleketiniń Qazaqstandaǵy Elshisi, dıplomatııalyq korpýs dýaıeni Montaser Abý Zeıdpen kezdesý ótkizdi, dep habarlaıdy QR Syrtqy ister mınıstrliginiń baspasóz qyzmeti.
Kezdesý barysynda taraptar Qazaqstan-Palestına yntymaqtastyǵynyń qazirgi jaı-kúıi men damý perspektıvalaryn talqylap, ekijaqty qatynastardyń qarqynyn jáne olardy odan ári damytýǵa degen ózara múddelilikti atap ótti. Saıası, gýmanıtarlyq jáne ózara qyzyǵýshylyq týdyratyn ózge de salalardaǵy yntymaqtastyqty keńeıtýge erekshe nazar aýdaryldy.
Suhbattastar óńirlik jáne halyqaralyq kún tártibindegi ózekti máseleler, sonyń ishinde Taıaý Shyǵystaǵy ahýal jóninde mazmundy pikir almasty.
Kezdesý qorytyndysy boıynsha taraptar seriktestikti odan ári tereńdetýge jáne birlesken bastamalardy tıimdi ilgeriletýge baǵyttalǵan turaqty ári senimdi dıalogty jalǵastyrýǵa beıildiligin rastady.
Osyǵan deıin Qazaqstannyń Koreıamen medıtsına, AI jáne joǵary tehnologııalar boıynsha ǵylymı baılanysty nyǵaıtatyny týraly jazdyq.
