Qazaqstan men Pákistan musylman elderi úshin ornyqty azyq-túlik júıesin qurýǵa kúsh biriktiredi

ISLAMABAD. KAZINFORM — Prezıdent Qazaqstan men Pákistan Azyq-túlik qaýipsizdigi jónindegi ıslam uıymyna múshe elder retinde musylman memleketterine arnalǵan ornyqty ári ádil azyq-túlik júıesin qurý jolynda ortaq maqsatqa jumylatynyn atap ótti, dep habarlaıdy Aqordanyń baspasóz qyzmeti.

Onyń sózinshe, Jetisý oblysynda qant qyzylshasyn óńdeý zaýytyn iske qosý týraly Almoiz Group kompanııasymen jasalǵan kelisim — osy yntymaqtastyqtyń mańyzdy bastamasy.

— Álemniń 70-ten asa eline aýyl sharýashylyǵy ónimderiniń 200-den astam túrin eksporttaımyz. Sońǵy on jylda aýyl sharýashylyǵy óndirisiniń jalpy ishki kólemi 2,5 eseden asa kóbeıdi. 2030 jylǵa qaraı bul kórsetkishti eki ese arttyrýǵa nıettimiz. Joǵary sapaly jáne ekologııalyq taza aýyl sharýashylyǵy ónimin shyǵaratyn senimdi jetkizýshi retindegi pozıtsııamyzdy nyǵaıtyp kelemiz. Sol sebepti seriktestik baılanystardy keńeıtip, óńirlik ári jahandyq deńgeıde jańa jetkizý tizbegin qurý úshin júıeli qadamdar jasaımyz. Osy oraıda pákistandyq áriptesterimizdiń atalǵan sektordaǵy tájirıbesin bólisip, kapıtal quımaq nıetin quptaımyz. Jetisý oblysynda qant qyzylshasyn óńdeý zaýytyn iske qosý týraly Almoiz Group kompanııasymen jasalǵan kelisim — osy yntymaqtastyqtyń mańyzdy bastamasy, — dedi Memleket basshysy.

Osyǵan deıin Qasym-Jomart Toqaev pen Shahbaz Sharıf Qazaqstan-Pákistan bıznes forýmyna qatysqanyn jazǵan bolatynbyz.

Sondaı-aq, Toqaev pen Sharıf strategııalyq seriktestik týraly birlesken deklaratsııaǵa qol qoıdy.