Qazaqstan men Pákistan qylmysqa qarsy kúrestegi yntymaqtastyqty kúsheıtpek
ASTANA. KAZINFORM – QR Úkimeti men Pákistan Islam Respýblıkasynyń Úkimeti arasyndaǵy qylmysqa qarsy kúrestegi yntymaqtastyq týraly kelisimge qol qoıý jónindegi joba Ashyq NQA portalynda talqylaýǵa shyǵaryldy.
Іshki ister mınıstrligi ázirlegen qujatta terrorızmge, esirtki qylmystaryna, adam saýdasyna, kıberqylmystarǵa jáne basqa da qylmystarǵa qarsy birlesken is-sharalar men aqparat almasý qarastyrylǵan. Yntymaqtastyq tájirıbe almasýdy, birlesken is-sharalar ótkizýdi jáne tergeý isterinde ózara kómek kórsetýdi qamtıdy.
– Jobanyń maqsaty QR Úkimeti men Pákistan Islam Respýblıkasynyń Úkimeti arasyndaǵy qylmysqa qarsy kúrestegi yntymaqtastyq týraly kelisimge qol qoıý. Kelisim Pákistanmen qylmysqa qarsy kúres salasyndaǵy yntymaqtastyq úshin quqyqtyq negiz bolady, – delingen habarlamada.
Qujat QR halyqaralyq sharttary týraly 2005 jylǵy 30 mamyrdaǵy zańnyń 5-babynyń 2-tarmaǵyna sáıkes ázirlengen.
Buǵan deıin Іshki ister mınıstrligi kıberqylmysqa qarsy kúres salasyndaǵy halyqaralyq yntymaqtastyqty kúsheıtý maqsatynda «Kıberqylmysqa qarsy Birikken Ulttar Uıymynyń konventsııasyna qol qoıý týraly» jobasy ázirlengenin jazǵanbyz.
Eske sala keteıik, Qazaqstan aımaqtaryndaǵy esirtkimen baılanysty jaǵdaıǵa oblystar men respýblıkalyq mańyzy bar qala ákimderi jaýapty bolady.