Qazaqstan men Ózbekstannyń jol aktıvterine jaýapty kompanııalary kelisim jasasty
NUR-SULTAN. QazAqparat – Qazaqstan men Ózbekstannyń jol aktıvterine jaýapty kompanııalary ózara ekijaqty memorandýmǵa qol qoıdy. Bul týraly QazAqparat tilshisi «QazAvtoJol» ulttyq kompanııasynyń baspasóz qyzmetine silteme jasap habarlaıdy.
Ózbekstan astanasynda ótken jıyn kezinde «QazAvtoJol»UK» AQ men «V-Tes» JShQ ózara seriktestik týraly memorandýmǵa qol qoıdy.
«Memorandým sharty boıynsha qazaqstandyq kompanııa ózbekstandyq áriptesterine aqyly jol júıesin damytý jáne elektrondyq tólem qabyldaý júıesin engizý barysynda keńes beretin bolady. «QazAvtoJol» elimizdegi elektrondyq tólem qabyldaý júıesin óz mamandarynyń kúshimen jasap shyǵarǵanyn atap ótý kerek», - dep jazady kompanııanyń baspasóz qyzmeti.
