Qazaqstan men Ózbekstannyń saýda deklaratsııalarynda 9,8 mln dollarǵa jýyq sáıkessizdik anyqtalǵan
«Salystyryp tekserý isi qıyn emes. Ol fıskaldyq táýekelderdi der kezinde baǵalaýǵa kómektesedi jáne qazaq-ózbek shekarasy arqyly tasymaldanatyn taýarlardyń kedendik qunyn tómendetip kórsetýdi anyqtaýǵa múmkindik beredi. Sondaı-aq, sybaılas jemqorlyq táýekelderin boldyrmaýǵa, kólikterdiń jyldam ótýine yqpal etedi», delingen Qarjy mınıstrligi Memlekettik kiris komıteti taratqan málimette.
Málimetke qaraǵanda, 2020 jyldyń 1 jartyjyldyǵynda Ózbekstannan kelgen 11 734 eksporttyq deklaratsııalardyń málimetin salystyryp, Qazaqstanda berilgen ımport boıynsha 1036 kedendik deklaratsııada sáıkessizdikter anyqtalǵan. Bul rette Memlekettik kirister komıteti, taýarlar shyǵarylǵannan keıin kedendik baqylaýdy júrgize otyryp, kedendik qunyn tómendetip kórseteý belgileri bolǵan kezde, Ózbekstanǵa suraý salady. Alynǵan jaýaptyń arqasynda taýarlardyń kedendik qunyn qasaqana tómendetip kórsetýmen ınvoıstar men eksport deklaratsııalaryn almastyrý faktileri anyqtaldy.
«Mysaly, «Saryaǵash» (Ózbekstan) keden beketi arqyly jeke kásipkerler jalpy salmaǵy 3,6 myń tonna jáne quny 920 myń AQSh dollaryn quraıtyn «kókónister, jemister» taýaryn kórsetken. Alaıda quny 5 mln. AQSh dollaryn quraıtyn eksporttyq deklaratsııalar men ınvoıstardy (Ózbekstan) salystyryp tekserý, 5 ese kemitip kórsetkeni belgili boldy. Bundaǵy aıyrmashylyq 4,1 mln. AQSh dollarǵa aýytqyp tur» delingen málimette.
2019 - 2020 jyldarynda Komıtet taýarlardy shyǵarǵannan keıingi kedendik qundy tekserý nátıjesinde 1,1 mlrd. teńge somasynda kedendik tólemder men salyqtardy eseptedi. 32 is qaralýda, olar boıynsha quny 9,8 mln. AQSh dollaryn quraıtyn sáıkessizdikter anyqtaldy.
