Qazaqstan men Ózbekstannyń parlamentaralyq baılanysy nyǵaıa tústi - Nurlan Nyǵmatýlın
TAShKENT. QazAqparat - Májilis Tóraǵasy Nurlan Nyǵmatýlın Qazaqstan men Ózbekstan arasyndaǵy parlamentaralyq baılanystardyń jańa deńgeıge kóterilgenin atap ótti, dep habarlaıdy QazAqparat Májilistiń baspasóz qyzmetine silteme jasap.
Ózbekstanǵa jasaǵan resmı sapary barysynda Májilis Tóraǵasy Qazaqstan men Ózbekstan parlamentshileri arasyndaǵy yntymaqtastyqty damytýdyń basym baǵyttaryn talqylap, Olıı Majlısi Senat Tóraǵasy Nıgmatılla ıÝldashevpen kezdesti.
Kelissóz barysynda zańnamalyq tájirıbe almasý maqsatynda yntymaqtastyqty jandandyrý týraly kelisimder jasaldy.
Májilis Tóraǵasy ózbekstandyq áriptesin aǵymdaǵy jylǵy 23-24 qyrkúıekte Elordamyz Nur-Sultan qalasynda ótetin «Úlken Eýrazııa: Dıalog. Senim. Seriktestik» atty Eýrazııa elderi parlamentteri tóraǵalarynyń IV Keńesine qatysýǵa shaqyrdy.
N.Nyǵmatýlınniń aıtýynsha, forýmǵa Ózbekstan parlamentshileriniń qatysýy ekijaqty yntymaqtastyqtyń joǵary deńgeıiniń taǵy bir dáleli bolmaq.
Búgin Májilis Tóraǵasy Sheteldik eldermen etnos aralyq jáne dostyq qarym-qatynastar komıtetinde birqatar kezdesýler ótkizip, Ózbekstandaǵy qazaq ulttyq ortalyǵynyń ókilderimen kezdesti.
Qazirgi ýaqytta komıtette 34 dostyq qoǵamy, 138 ulttyq mádenı ortalyq bar.
Taraptar Qazaqstan men Ózbekstan arasyndaǵy kóp jaqty yntymaqtastyqty odan ári tereńdetýge yqpal etetin Ózbekstandaǵy Qazaqstan jyly boıynsha ótkiziletin sharalaraǵa nazar aýdardy.
