Qazaqstan men Ózbekstannyń birlesken kásiporny azyq-túlik baǵasyn turaqtandyrady
«QazTrade» AQ-nyń Bas dırektory Nuraly Bókeıhanovtyń aıtýynsha, osy aptada birlesken qazaq-ózbek kompanııasy tirkelip, ashyldy.
«UZKAZTRADE» JShQ tek tepe-teń negizde jumys isteıtin bolady, ıaǵnı kompanııany «QazTrade» ókilderi de, «UzTrade» kompanııasyndaǵy áriptesterimiz de 50/50 qaǵıdaty boıynsha basqaratyn bolady», - dep naqtylady Nuraly Bókeıhanov.
Birlesken eksporttyq-ımporttyq kompanııanyń qyzmeti qazaqstandyq tutynýshyny kóterme baǵamen kókónister men jemistermen qamtamasyz etýge baǵyttalǵan. Bul jaǵdaıda deldaldardyń uzyn tizbegi alynyp tastalady. Mysaly, ózbek dekhanymen aldyn ala kelissózder barysynda Qazaqstanǵa jemis-kókónis ónimderin kóterme satyp alý týraly ýaǵdalastyqqa qol jetkizildi.
«Kompanııa paıda tabýdy josparlamaıtynyn jáne ımporttalatyn ónimge kommertsııalyq marja qosqysy kelmeıtinin eskerý mańyzdy. Eń az ákimshilik shyǵyndardy jabatyn shaǵyn ǵana ústeme aqy bolýy múmkin. Biraq jetkizilim aýqymyn eskere otyryp, bul taýardyń túpkilikti baǵasyna aıtarlyqtaı áser etpeıdi», - dep túsindirdi «QazTrade» basshysy.
Nuraly Bókeıhanovtyń aqparaty boıynsha, osyndaı birlesken Qazaqstan-Pákistan kompanııasy Lahor qalasynda iske qosylý satysynda tur. Sondaı-aq, «QazTrade» jaqyn arada Tájikstan Respýblıkasynyń Dýshanbe qalasynda óziniń enshiles uıymyn tirkeýdi josparlap otyr.
Qazaqstandyq qatysýy bar eksporttyq-ımporttyq kompanııalar áleýmettik mańyzy bar ónimderdi áleýmettik-kásipkerlik korporatsııalarǵa jáne iri saýda jelilerine jetkizýmen aınalysatyn bolady. Bul rette birlesken kásiporyndarda qandaı da bir preferentsııalar bolmaıdy. Satyp alý usynylatyn ónimniń baǵasy ortasha naryqtyq baǵadan tómen bolǵan jaǵdaıda ǵana júzege asyrylady. Bul tásil ınflıatsııany taýarlardyń jeke pozıtsııalarynda ustaýǵa múmkindik beredi.
Birlesken kompanııalar qazaqstandyq un tartý, jemis-kókónis jáne maı ónimderin Ózbekstanǵa, Pákistanǵa jáne Tájikstanǵa eksporttaıdy dep boljanýda, biraq naryqtyq sharttarda ǵana.
«QazTrade» saýda saıasatyn damytý ortalyǵy» AQ shaǵyn jáne orta bıznes kásiporyndaryna óńdelgen taýarlardy eksporttaýǵa, qazaqstandyq shıkizattyq emes ónimdi ótkizýge jumsalǵan shyǵyndardyń bir bóligin óteý boıynsha memlekettik qoldaý sharalaryn kórsetedi, Qazaqstannyń eksporttyq áleýetin arttyrýǵa yqpal etedi. «QazTrade» jalǵyz aktsıoneri Qazaqstan Respýblıkasynyń Saýda jáne ıntegratsııa mınıstrligi bolyp tabylady.
