Qazaqstan men Ózbekstandy jalǵaıtyn temir jol qurylysy talqylanýda

TAShKENT. QazAqparat – QR Insdýstrııa jáne ınfraqurylymdyq damý mıınıstrligi delegatsııasynyń Ózbekstanǵa sapary aıasynda eki el arasyndaǵy seriktestikti nyǵaıtý baǵyttary talqylandy, dep habarlaıdy QazAqparattyń menshikti tilshisi.

QR Indýstrııa jáne ınfraqurylymdyq damý mınıstri Berik Kamalıev pen Ózbekstan Kólik mınıstriniń mindetin atqarýshy Ilhom Mahkamov kelissóz júrgizip, ınfraqurylymdyq jobalardy birlesip júzege asyrý týraly pikirlerimen bólisti. Onyń ishinde, júrdek poıyzdarǵa arnalǵan Túrkistan – Shymkent – Tashkent baǵytyndaǵy temirjol qurylysyn júzege asyrý men jańa Maqtaaral – Darbaza temirjol jelisin salý máseleleri talqylandy.

Sondaı-aq eki el arasyndaǵy burynnan bar áýe reısterin kóbeıtip, jańa baǵyttar qosý máselesi qarastyryldy. Onyń ishinde Qazaqstannan Samarqan men Úrgenishke jáne jáne odan qaıtatyn turaqty reısterdi jasaý jospary bar.

Sonymen qatar, taraptar epıdemıologııalyq jaǵdaıdy eskere otyryp, temirjol marshrýttaryn qaıta jandandyrý máselesin talqylady.