Qazaqstan men Ózbekstan júk tasymaly máselesin sheshýmen aınalysatyn jedel shtab qurmaq

TAShKENT. KAZINFORM – Qazaqstan men Ózbekstan Kólik mınıstrlikteriniń ókilderi jáne eki eldiń keden organdary mamandarynyń qatysýymen onlaın formatta kezdesý ótti, dep habarlaıdy Kazinform agenttiginiń Tashkenttegi menshikti tilshisi Álıhan Asqar.

«Kezdesý barysynda eki el arasyndaǵy taýar tasymaly kezinde týyndaıtyn máseleler talqylandy. Tıisinshe, taraptar júk tasymalyn arttyrýǵa qolbaılaý bolyp otyǵan máselelerdi tez arada sheshýmen aınalysatyn jedel shtab qurýǵa ýaǵdalasty. Onyń quramyna jaýapty vedomstvolardyń ókilderi enedi», - dep málim etti Ózbekstan Kólik mınıstrliginiń baspasóz qyzmetinen.

Eske salaıyq, taıaýda qazaq-ózbek shekarasynda keden termınaly ashylmaq. 6 gektardy aýmaqty qamtyp jatqan nysan zamanaýı tekserý, rásimdeý qurylǵylarymen jabdyqtalǵan.

Sonymen qatar, keshe Ózbekstan Aýǵanstannyń ýaqytsha úkimetimen júk tasymaldaýshylardan alynatyn tólem somasyn tómendetýdi kózdeıtin kelisim jasady.