Qazaqstan men Ózbekstan temirjolshylary poıyzdardy jedel ótkizýge ýaǵdalasty

ASTANA. QazAqparat - Tashkentte «Qazaqstan temir joly» UK» AQ Basqarma tóraǵasynyń birinshi orynbasary Qanat Álmaǵambetov «Ýzbekıston temır ıýlları» AQ Basqarma tóraǵasynyń birinshi orynbasary Fazlıtdın Saǵdýllaevpen Saryaǵash - Keles shekaralyq túıisý beketinen ótkizý múmkindigin arttyrý, temirjol kóligi salasyndaǵy yńtymaqtastyqty damytý máseleleri jónindegi kelissózder júrgizdi.

«Qazaqstan temir joly» UK» AQ baspasóz qyzmetiniń habarlaýynsha, ózbekstandyq temir joldar men odan ary qaraıǵy baǵytta júk aǵynynyń artýynan poıyzdardy ótkizý qıyndaǵan. Bul memleketaralyq túıisý pýnktinde táýlik saıyn 26 jup júk vagondaryn (2017 jyly 17 poıyz, qazan-qarasha - 21 jup)  qabyldaý jáne berý týraly kelisimge qol jetkizildi. Jyljymaly quramdy tıimdi paıdalaný úshin taraptar qurý josparyn ózgertý, vagondardy óńdeýdi jyldamdatý jáne aldyn ala habarlaýdy qosqanda vagondar aınalymyn qysqartýda barlyq qajetti sharalardy qabyldaıdy.

 Jol bólimshelerinde jedel shtabtar qurylǵan. Taraptar temirjolmen konteınerlik tasymaldaý, qazirgi júk poıyzdaryn qurý josparyna ózgerister engizý jónindegi yntymaqtastyqty damytý máselelerin qarady. Aqmola, Qostanaı, Pavlodar, Qaraǵandy temir jol bólimsheleri stansalarynan artylǵan astyq pen un tıelgen vagondardyń bir bóligin belgilengen Saryaǵash ótkizý pýnktiniń  ornyna Oazıs ótkizý pýnktiniń Gabala stansasyna qaıta jóneltý týraly sheshim qabyldandy.

 Taraptar bul rette QR men ÓR aýmaǵymen tranzıttik júk tasymalynyń básekege qabiletti tarıftik stavkasyn qamtamasyz etý máselelerin qarastyrýǵa kelisti.

 Kelissózder qorytyndysy boıynsha tıisti Hattamaǵa qol qoıyldy.