Qazaqstan men Ózbekstan tatý kórshi bolyp qala beredi - Qasym-Jomart Toqaev
ASTANA. QazAqparat - Shavkat Mırzıeev Qasym-Jomart Toqaevty Qazaqstan Respýblıkasynyń Prezıdenti laýazymyna kirisýimen quttyqtap, oǵan zor densaýlyq, amandyq jáne jaýapty memlekettik qyzmetine tabys tiledi, dep habarlaıdy Aqordanyń baspasóz qyzmeti.
Qasym-Jomart Toqaev quttyqtaǵany úshin Ózbekstan Prezıdentine rızashylyq bildirip, Qazaqstan men Ózbekstan arasyndaǵy eki el halyqtarynyń tatý kórshiligi men dostyǵyna negizdelgen strategııalyq seriktestik jalǵasa beretinine senim bildirdi.
Eki el kóshbasshylary bir-birin Naýryz meıramymen quttyqtady.
Memleketter basshylary Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń Qazaqstan men Ózbekstannyń qazirgi qarym-qatynastaryn qalyptastyrý jáne ony damytý jolynda erekshe ról atqarǵanyn atap ótti.
Telefon arqyly sóılesýge Ózbekstan jaǵy bastamashy boldy.
