Qazaqstan men Ózbekstan Syrdarııa sýynyń sapasyn birlesip baqylamaq

Tipti aldaǵy ýaqytta arnaıy «Jol kartasyn» jasamaqshy. Bul týraly Tashkentte ótken qos eldiń qorshaǵan ortany qorǵaý jáne sý sapasy jónindegi birlesken jumys tobynyń alǵashqy otyrysynda aıtyldy.

Basqosýda taraptar ózara tájirıbe almasyp, Ortalyq Azııadaǵy eń iri ózen sýynyń sapasyn saqtap qalýdyń tıimdi joldaryn qarastyrdy. Bolashaqta ortaq monıtorıng jasalatyn boldy.

Ekologtar jalpy transshekaralyq ózen sýynyń sońǵy jyldary lastaný deńgeıi joǵarylaǵanyn aıtyp otyr. «Sondyqtan zertteý jumystaryn júrgizý arqyly lastaýshy oshaqtardy der kezinde anyqtaýǵa bolady», - deıdi olar. Qazaqstan jalpy Qytaı, Reseı jáne Qyrǵyz aǵaıyndarmen ortaq basseındegi sý sapasyn baqylaý boıynsha ózara mámilege kelgen. ıAǵnı, el aýmaǵynan aǵyp ótetin tirshilik nárine qandaıda bir zııandy qaldyq tógile qalsa, onyń zalalyn birlesip joıady. Dál osy júıeni Syrdarııa ózeniniń saǵasyndaǵy eldermen de jasaýdy kózdep otyr. Óıtkeni Qazaqstan ózenniń eń tómengi saǵasynda ornalasqan. «Qaldyq túpke shógedi», - deıdi ekologtar.

«Bul jerde biraz ıngredıentter boıynsha sý sapasyn durystaý kerek. Sondyqtan osy máseleni ózbekstandyq áriptesterimizben talqylap jatyrmyz. Árıne, bul máseleni biz Tájik jáne Qyrǵyz respýblıkalarymen birlesip taǵy da talqylaımyz dep otyrmyz. Sebebi ózderińiz bilesizder, ózen sol qyrǵyz jáne tájik aǵaıyndardan bastalady. Sondyqtan sol respýblıkalarmen osy máseleni basynan bastap bárimiz birge talqylaımyz ba degen suraqty da kóterip otyrmyz»,- dep atap ótti QR energetıka vıtse-mınıstri Sábıt Nurlybaı.