Qazaqstan men Ózbekstan sý bólý kelisiminiń jobasyn ázirlep jatyr

TAShKENT. KAZINFORM – Búgin Tashkentte Qazaqstan men Ózbekstannyń sý sharýashylyǵy mınıstrleri ekijaqty kezdesý ótkizdi, dep habarlaıdy Kazinform agenttiginiń menshikti tilshisi.

Қазақстан мен Өзбекстан су бөлу келісімінің жобасын әзірлеп жатыр
Фото: ӨР Стратегиялық және өңіраралық зерттеулер институты

QR Sý resýrstary jáne ırrıgatsııa mınıstri Nurjan Nurjigitov pen onyń ózbekstandyq áriptesi Shavkat Hamraev vegetatsııaaralyq kezeńdegi jumystardyń atqarylý barysyn talqylady.

- Byltyr jeltoqsanda biz Ashhabad qalasynda kesteni kelisken bolatynbyz. Oǵan saı, ýaǵdalasqan kólemdegi sýdy 100 paıyzdan kóp kólemde alyp otyrmyz. 10 qańtardaǵy esepke sáıkes, Qyrǵyzstan men Ózbekstan baǵyttaǵan 2 mlrd tekshe metrden astam sý Shardara sý qoımasyna tústi. Óz kezeginde ol sý Soltústik Aralǵa jáne Qyzylorda oblysyndaǵy kólshik júıelerine jiberilip jatyr. Jalpy, qos taraptan da tolyq túsinistik bar. Eki el óz mindettemelerin 100% oryndap otyr, - dedi Nurjan Nurjigitov Kazinform tilshisiniń saýalyna jaýap bere otyryp.

Mınıstr atap ótkendeı, qazirgi tańda Qazaqstan men Ózbekstan sý bólý kelisiminiń jobasyn ázirlep jatyr.

- Biz elimizdiń memlekettik organdarymen kelisilgen jobany ózbek tarapyna berdik. 15 kún ishinde olar bizge jaýap joldaıdy. Sonymen qatar, Tashkenttegi kezdesý barysynda eki eldiń ırrıgatsııalyq júıelerin jańǵyrtý jumystaryn talqyladyq. Onyń nátıjesinde vegetatsııalyq kezeńge deıin birlesip jóndeý júrgizý kelisimine keldik, - dep toqtaldy vedomstvo basshysy.

Eske salaıyq, bıyl 29 qantarda Dýshanbe qalasynda Ortalyq Azııanyń Memleketaralyq sý sharýashylyǵyn úılestirý komıssııasynyń 88-shi otyrysy ótti. Onyń barysynda jasalǵan kelisim nátıjesinde Qazaqstan kórshiles elderden kóktemde 11 mlrd tekshe metr sý alatyn boldy.

Сейчас читают