Qazaqstan men Ózbekstan shekarasynda jer silkindi

ALMATY. QazAqparat - Tótenshe jaǵdaılar mınıstrligi «Seısmologııalyq tájirıbe-ádisteme ekspedıtsııasy» JShS seısmıkalyq stantsııalar jelisi 20 sáýir kúni Almaty ýaqytymen saǵat 10:59-da jer silkinisin tirkedi, dep habarlaıdy QazAqparat.

Zilzala oshaǵy Almatydan batysqa qaraı 883 shaqyrym qashyqtyqta, Qazaqstan men Ózbekstan shekarasy mańynda bolǵan. Jer silkinisiniń energetıkalyq klasy – 9.7. Magnıtýdasy – 4.3 MPV. Baǵyty 42.68° s.e, 66.13° sh.b ornalasqan. Tereńdigi – 15 shaqyrym. Sezilý deńgeıi týraly málimet joq.