Qazaqstan men Ózbekstan senattary Yntymaqtastyq týraly memorandýmǵa qol qoıdy
ASTANA. QazAqparat - Qazaqstan Respýblıkasy Parlamenti Senatynyń Tóraǵasy Qasym-Jomart Toqaev Ózbekstan Prezıdenti Shavkat Mırzıeevtiń memlekettik sapary aıasynda Astanaǵa kelgen Ózbekstan Olıı Majlısi Senaty Tóraǵasynyń birinshi orynbasary Sodık Safoevpen kezdesti.
Q.Toqaevtyń pikirinshe, prezıdentter N.Nazarbaev pen Sh.Mırzıeevtiń Aqordadaǵy kelissózderiniń nátıjesi sapardyń tarıhı mańyzyn dáleldedi.
«Qazaqstan men Ózbekstan qatynastarynyń parlamentaralyq ólshemi tamasha serpin alatyn boldy. Eki eldiń parlamentteri sapar barysynda qol jetken ýaǵdalastyqtardy tıimdi iske asyrý, onyń ishinde ýaqytyly ári tıisti zańnamalyq qoldaýdy qamtamasyz etý úshin bar kúshin salatyn bolady. Odan basqa, eki eldiń senattary arasyndaǵy yntymaqtastyq Qazaqstan men Ózbekstan aımaqtary arasyndaǵy baılanystardy nyǵaıtýǵa yqpal etetin bolady», - dedi áńgime barysynda Q.Toqaev.
Kezdesý aıasynda Qazaqstan Respýblıkasy Parlamentiniń Senaty men Ózbekstan Respýblıkasy Olıı Majlısi Senaty arasyndaǵy Yntymaqtastyq týraly memorandýmǵa qol qoıyldy. Parlamentaralyq únqatysýdy tereńdetýge baǵyttalǵan bul qujat Parlamentterdegi joǵarǵy palatalardyń tarapynan eki eldiń saıası, saýda-ekonomıkalyq, ınvestıtsııalyq jáne mádenı-gýmanıtarlyq baılanystaryn qoldaýdy kózdeıdi.
Eki memlekettiń Senattary óz quziretteri aıasynda ekijaqty yntymaqtastyqtyń kelisim-quqyqtyq bazasyn keńeıtýge yqpal etedi.
Qujatta «Taraptar jahandyq syn-qaterlermen jáne qaýiptermen tıimdi kúres júrgizýdi qamtamasyz etetin quqyqtyq keńistik qurý salasynda ózara is-qımyl jasaıdy», - dep atap ótilgen.
Memorandým saparlar almasý, parlamenttik sharalarǵa qatysý, halyqaralyq parlamenttik uıymdarda ózara qoldaý kórsetý men ustanymdardy kelisý sıpatynda júzege asady.
