Qazaqstan men Ózbekstan sarapshylary yntymaqtastyqty arttyrý josparyn talqylady
Qazaqstan Respýblıkasy Prezıdentiniń Ózbekstanǵa memlekettik saparynyń qorytyndylary boıynsha QR Prezıdenti janyndaǵy Qazaqstannyń strategııalyq zertteýler ınstıtýty, Ózbekstan Respýblıkasy Prezıdenti janyndaǵy Strategııalyq jáne óńiraralyq zertteýler ınstıtýty, Ortalyq Azııa halyqaralyq ınstıtýtynyń uıymdastyrýymen «Ózbekstan jáne Qazaqstan: dostyq, seriktestik jáne odaqtastyq» atty onlaın halyqaralyq konferentsııa ótti.
Alǵysózdi Qazaqstan Respýblıkasy Syrtqy ister mınıstriniń orynbasary E.Qonyspaev, Ózbekstan Respýblıkasy Syrtqy ister mınıstriniń orynbasary B.Aloev, Qazaqstan Respýblıkasynyń Ózbekstan Respýblıkasyndaǵy Tótenshe jáne Ókiletti Elshisi B.Atamqulov, Qazaqstan Respýblıkasynyń Prezıdenti janyndaǵy Qazaqstannyń strategııalyq zertteýler ınstıtýtynyń dırektory E.Tuqymov, Ózbekstan Respýblıkasy Prezıdenti janyndaǵy Strategııalyq jáne óńiraralyq zertteýler ınstıtýtynyń dırektory E.Arıpov, sondaı-aq Ortalyq Azııa halyqaralyq ınstıtýty dırektorynyń orynbasary F.Qadırov sóıledi.
Talqylaýdyń negizgi taqyryptary qazirgi jahandyq jáne óńirlik úrdister kontekstindegi saıası dıalog, sondaı-aq ekonomıka, kólik, energetıka jáne sý resýrstary salalaryndaǵy yntymaqtastyqtyń jańa strategııalyq perspektıvalary boldy.
Atap aıtqanda, QSZI dırektory E.Tuqymov bolashaqtyń damý barysy men strategııalyq josparlaýyn birlese otyryp ázirleý qajettigin atap ótti: «Bizdi biriktirip otyrǵan ortaq tarıh, mádenıet jáne geografııa búgingi tańda qos el arasyndaǵy qarym-qatynasty erekshe jolmen, ózara senimniń joǵary deńgeıi arqyly qurýdy negizdeıdi. Qazaqstan Respýblıkasynyń Prezıdenti Qasym-Jomart Toqaevtyń aǵymdaǵy jyldyń 21-22 jeltoqsanyndaǵy Ózbekstanǵa memlekettik sapary barlyq salalardaǵy yntymaqtastyqty keńeıtýdiń strategııalyq perspektıvalaryna negiz qalady. Jalpy Qazaqstan men Ózbekstan arasyndaǵy qarym-qatynastyń qarqyndylyǵy búkil Ortalyq Azııa óńiri elderiniń yntymaqtastyǵyn odan ári damytýǵa baǵyt beredi. Sol sebepti munyń barlyǵyn eskergen óte mańyzdy».
Ózbekstan Respýblıkasy Prezıdenti janyndaǵy Strategııalyq jáne óńiraralyq zertteýler ınstıtýtynyń dırektory E.Arıpov óz sózinde Qazaqstan Prezıdenti Qasym-Jomart Toqaevtyń Ózbekstanǵa memlekettik sapary mańyzdy tarıhı oqıǵa bolǵanyn atap ótti. «Ózbekstan Prezıdenti Shavkat Mıromonovıch Mırzıeevtiń Qazaqstanǵa memlekettik sapary barysyndaǵy Odaqtastyq qatynastar týraly deklaratsııaǵa qol qoıylǵannan keıingi bir jyl ishinde odaqtastyq qatynastardy ornatýǵa qol jetkizgenimiz qýantady», – dedi sarapshy.
Ortalyq Azııa halyqaralyq ınstıtýty dırektorynyń orynbasary F.Qadırov Qazaqstan Respýblıkasy men Ózbekstan Respýblıkasy arasyndaǵy qarym-qatynastyń joǵary qarqynyn atap ótti. Saıası deńgeıde ósip kele jatqan ózara túsinistik ekonomıkalyq kórsetkishterde, onyń ishinde júk tasymaldaýda, áýe qatynastary men jolaýshylar tasymalynda kórinis tapty. Birlesken kásiporyndar sany 6 esege ósti. Bıznes-qoǵamdastyq mashına jasaý, avtomobılder men jabdyqtar shyǵarý salalarynda naqty jobalardy júzege asyrýda.
Halyqaralyq konferentsııa barysynda ekijaqty qarym-qatynastardyń negizgi tendentsııalary barlyq salalarda, onyń ishinde saıası, saýda-ekonomıkalyq, mádenı-gýmanıtarlyq jáne t.b. salalarda jemisti yntymaqtastyqqa degen ózara umtylys ekendigi týraly oı aıtyldy. Sondyqtan ǵylymı-zertteý resýrstary bar saraptama ortalyqtary Ortalyq Azııadaǵy ózara tıimdi yntymaqtastyqty odan ári keńeıtý úshin bar kúsh-jigerin salýy kerek.
Foto: kisi.kz
