Qazaqstan men Ózbekstan prokýrorlary birlesip jumys istemek

ShYMKENT. QazAqparat - Shymkentte Qazaqstan jáne Ózbekstan prokýrorlarynyń shekaralyq yntymaqtastyq kezdesýi ótti. Basqosýǵa elimizden Bas prokýrordyń birinshi orynbasary Ǵızat Nurdáýletov pen Bas kólik prokýrory jáne Aqtóbe, Mańǵystaý, Qyzylorda, Túrkistan oblystarynyń prokýrorlary qatysty, dep habarlaıdy QazAqparat tilshisi.

Al, ózbekstandyq delegatsııany osy eldiń Bas Prokýrorynyń orynbasary E.T.ıÝldashev bastap keldi. Delegatsııa quramynda Tashkent, Syrdarııa, Jızaq, Naýaı oblystyrynyń prokýrorlary da boldy.

Jıynda taraptar zańsyz eńbekke tartý men qylmystyq qýdalaý sheńberindegi halyqaralyq tapsyrmalardy oryndaý, sondaı-aq sottalǵan Ózbekstan Respýblıkasy azamattaryn berý men  shekaradaǵy ótkizý-baqylaý beketterinen avtokóliktik aınalym jasaý máselelerin talqylady. Qatysýshylar shekaralyq qarym-qatynas pen eki el prokýratýralarynyń ózara árekettesýi, ekijaqty kelisimdi odan ári qaraı jetildirý vedomstvoaralyq yntymaqtastyqtyń nyǵaıýyna alyp keletindigin atap ótti.

Kezesý  sońynda Qazaqstan Respýblıkasynyń Bas prokýratýrasy jáne Ózbekstan Respýblıkasynyń Bas prokýratýrasy ókilderi zańsyz eńbekke tartýdyń aldyn alý men sottalǵandardy berý jáne qylmystyq quqyqtyq saladaǵy halyqaralyq tapsyrmalardy oryndaýǵa baǵyttalǵan birqatar qujattarǵa qol qoıdy.