Qazaqstan men Ózbekstan prezıdentteri «Táýelsizdik jáne gýmanızm» monýmetine gúl shoǵyn qoıdy
ASTANA. QazAqparat - Memleket basshysy «Táýelsizdik jáne gýmanızm» monýmetine gúl shoǵyn qoıý rásimine qatysty, dep habarlaıdy Aqordanyń baspasóz qyzmeti.
Nursultan Nazarbaev memlekettik sapary aıasynda Shavkat Mırzıeevpen birge Ózbekstan halqynyń jalpyulttyq sımvoly bolyp sanalatyn «Táýelsizdik jáne gýmanızm» monýmetine gúl shoǵyn qoıdy.
Táýelsizdik alańynda ornalasqan sáýlet kesheninde Ózbekstan kartasy beınelengen qola globýs pen qolyna bala ustaǵan ananyń músini bar.
Kompozıtsııa avtory - tanymal ózbek sáýletshisi Ilhom Jabborov.
