Qazaqstan men Ózbekstan prezıdentteri eki memleket tarıhyndaǵy jańa kezeńdi bastap otyr - sarapshy
Onyń aıtýynsha, Qazaqstan Prezıdentiniń alǵashqy memlekettik saparyn kórshiles Ózbekstanǵa jasaýy - óńir úshin jaǵymdy jańalyq. Ortalyq Azııada prezıdentterdiń alǵashqy memlekettik sapardy óńirdegi kórshiles memleketten bastaý dástúri qalyptasty. Osy arqyly ekijaqty almasýlar artyp, ultaralyq qatynastar jaqsaryp otyr. Osy sapar kezinde Ózbekstan aqparattyq agenttiginiń qazaq tilinde aqparat tarata bastaýy da - Qazaqstandy joǵary baǵalaýdyń belgisi. Buǵan deıin agenttik barlyq jańalyqtardy tek ózbekshe jáne álemniń iri tilderinde ǵana taratyp kelgen.
"Árbir qadamyn saralap baryp jasaıtyn Tashkent osyndaı qadamǵa nege baryp otyr? Birinshiden, tsıfrlyq dáýirge aıaq basqan kezde Tashkent te halyqaralyq aqparattyq keńistikke ashylyp, óz saıasaty men jańalyqtaryn syrtqa taratqysy keledi. Ekinshiden, óńirlik qatynastardy kózdeıtin Tashkent alǵashqy qadamyn Qazaqstannan bastap otyr. Demek, Ózbekstan úshin qazirgi kezeńdegi eń jaqyn memleket - Qazaqstan. Atalǵan sapar óńirlik ekonomıka men qaýipsizdikke asa mańyz beretin Nur-Sultan úshin de asa mańyzdy. Úshinshiden, ekijaqty yntymaqtastyq úshin osyndaı jobalardyń atqarylýy Ózbekstandaǵy qazaq dıasporasynyń óz tilinde jańalyq oqýyna túrtki bolady. Qazaqstandyq oqyrman da kórshi eldegi jańalyqtardy tikeleı oqı alatyn bolady", - dep atap kórsetti J.Momynqulov.
Sarapshynyń oıynsha, Túrkistan oblysynyń qaıta qurylýy da shekaraaralyq mádenı-ekonomıkalyq qatynastardyń damýyna yqpal etedi.
"Memleket basshysynyń bul sapary ekijaqty saıası qatynastar sabaqtastyǵynyń saqtalyp, ekonomıkalyq yqpaldastyqtaǵy oń dınamıkanyń damýyna baǵyttaldy. Osylaısha, sońǵy jyldarda bılik aýysymyn júzege asyrǵan kórshi elderdiń basshylary eki memleket tarıhyndaǵy jańa kezeńdi bastap otyr", - dedi J.Momynqulov.
