Qazaqstan men Ózbekstan prezıdentteri jasandy ıntellekt hakatonyna bardy
BUHARA. KAZINFORM – Qasym-Jomart Toqaev pen Shavkat Mırzıeev Buharada Jasandy ıntellekt boıynsha ótip jatqan jalpyulttyq hakatondy tamashalady. Bul týraly Aqordanyń baspasóz qyzmeti habarlady.
Memleketter basshylaryna bul saıys ІT jáne jasandy ıntellekt salalaryn meńgergen talantty jastardy taýyp, olarǵa qoldaý kórsetý maqsatynda uıymdastyrylǵany baıandaldy.
Hakaton bilim berý mekemeleri, bıznes jáne memlekettik qurylymdar arasyndaǵy yntymaqtastyqty nyǵaıtýǵa septigin tıgizedi. Hakatonǵa qatysýshylar medıtsına, bilim berý tehnologııalary, sondaı-aq kásipkerlik baǵyttaryndaǵy naqty mindetterdiń túıinin tarqatýmen aınalysady.
Óńirlik jarysqa myńnan astam jas maman, stýdentter men baǵdarlama ázirleýshiler qatysty.
Prezıdentterge Govtech Ózbekstan tsıfrlyq úkimetiniń sońǵy ázirlemeleri, kólik, keden, salyq, energetıka, densaýlyq saqtaý, áleýmettik qorǵaý, qurylys, ónerkásip salalaryndaǵy tsıfrlyq sheshimder tanystyryldy.
Eske sala keteıik, buǵan deıin Shavkat Mırzıeev Qasym-Jomart Toqaevqa birqatar tarıhı qujatty tapsyrǵanyn jazǵan edik.