Toqaev pen Mırzıeev MERGANTEKS maqta-mata klasteriniń jumysymen tanysty
BUHARA. KAZINFORM – Qasym-Jomart Toqaev pen Shavkat Mırzıeev MERGANTEKS maqta-mata klasteriniń qyzmetimen tanysty. Munda shıkizatty óńdeýden bastap, odan daıyn tekstıl ónimderin shyǵarýǵa deıingi tolyq óndiris tsıkli jolǵa qoıylǵan. Bul týraly Aqordanyń baspasóz qyzmeti habarlady.
Prezıdentterge kásiporyn óndiris tıimdiligi men halyqaralyq sapa standartyn qamtamasyz etetin zamanaýı joǵary tehnologııalyq qurylǵylarmen jabdyqtalǵany jóninde baıandaldy.
Klasterdiń óndiristik qurylymyna maqta zaýyty, eki jip ıirý fabrıkasy, toqyma jáne boıaý tsehtary, tigin fabrıkasy kiredi.
Ónim Polsha, Túrkııa, Izraıl, Bosnııa jáne Gertsegovına, Iran, sondaı-aq basqa da memleketterge jetkiziledi.
Eske salsaq, buǵan deıin Qazaqstan men Ózbekstan prezıdentteri jasandy ıntellekt hakatonyna barǵanyn jazǵanbyz.