Qazaqstan men Ózbekstan Prezıdentteri birlesken jobalardy qarjylandyratyn qor qurý máselesin pysyqtady
ASTANA. KAZINFORM – Qazaqstan men Ózbekstan birlesken jobalardy qarjylandyratyn qor qurý máselesin pysyqtady. Bul týraly Aqordada Memleket basshysy Qasym-Jomart Toqaevpen kelissózderden keıingi BAQ ókilderine arnalǵan brıfıngte Ózbekstan Prezıdenti Shavkat Mırzıeev aıtty.
«Keshe Astanada ótken bıznes forým men Іskerlik keńes qorytyndysynda jalpy somasy 7 mlrd dollardan asatyn birqatar kelisimshart men kelisimderge qol qoıyldy. Jaqyn arada ekijaqty taýar aınalymyn túbegeıli arttyrýǵa baǵyttalǵyn keshendi baǵdarlama qabyldanatyn bolady», - dedi Ózbekstan Prezıdenti.
Mártebeli meıman jańa ınvestıtsııalyq jobalardy ázirleý jáne iske asyrýda úlken mańyzy bar «Ortalyq Azııa ónerkásiptik kooperatsııa» halyqaralyq ortalyǵy qurylysyn jedeldetýge sheshim qabyldanǵanyn aıtty.
«Sondaı-aq basym baǵyttar boıynsha birlesken jobalardy qarjylandyrý úshin Ózbekstan-Qazaqstan qoryn qurý máselesin pysyqtadyq. Kelissózderimizdiń mańyzdy, strategııalyq baǵyty – kólik-logıstıka salasyndaǵy baılanystardy keńeıtý boldy», - dedi Shavkat Mırzıeev.
Aıta keteıik, búgin Ózbekstan Prezıdentiniń Qazaqstanǵa memlekettik sapary aıasynda birqatar qujatqa qol qoıyldy.
