Qazaqstan men Ózbekstan polıtseıleri shekaradaǵy yntymaqtastyq máselelerin talqylady
ASTANA. QazAqparat - Tashkent qalasynda Qazaqstan Respýblıkasy Іshki ister mınıstriniń birinshi orynbasary Marat Demeýov pen Ózbekstan Respýblıkasy Іshki ister mınıstriniń birinshi orynbasary Davron Nazarmýhamedovtyń shekaradaǵy yntymaqtastyq máselelerine qatysty ekijaqty kezdesýi ótti, dep habarlaıdy QazAqparat QR ІІM-niń baspasóz qyzmetine silteme jasap.
Sonymen qatar kezdesýge ortalyq apparattyń qurylymdyq bólinisteriniń basshylary, shekaralas ornalasqan oblystyq ishki ister organdarynyń basshylary qatysty.Іs-shara barysynda eki jaqty yntymaqtastyq máseleleriniń perspektıvalary men basymdyqtary, onyń ishinde shekaralas aımaqtardyń túıitkilderi talqylandy.
Onymen birge, delegatsııa basshylary QR Іshki ister mınıstrliginiń Ońtústik Qazaqstan oblystyq Іshki ister departamenti men Ózbekstan Іshki ister mınıstrliginiń Djızak, Syrdarııa, Tashkent oblystarynyń 2017-2018 jyldarǵa arnalǵan uıymdastyrýshylyq jáne praktıkalyq sharalardy qarastyratyn qylmysqa qarsy yntymaqtastyq jónindegi is-sharalar josparyna qol qoıdy.
