Qazaqstan men Ózbekstan ózara taýar aınalymyn 10 mlrd dollarǵa jetkizýge múddeli

TAShKENT. KAZINFORM – Tashkentte Qazaqstan men Ózbekstan arasyndaǵy ekonomıkalyq baılanystardy nyǵaıtý jáne taýar aınalymyn arttyrý máseleleri talqylandy, dep habarlaıdy Kazinform agenttiginiń menshikti tilshisi. 

QR Syrtqy ister mınıstriniń orynbasary Álibek Qýantyrov pen Saýda jáne ıntegratsııa vıtse-mınıstri Qaırat Tórebaev Tashkentke jumys saparymen keldi. Onyń aıasynda olar Ózbekstannyń saýda mınıstri Lazız Kýdratovpen kezdesti.

Taraptar ózara taýar aınalymyn arttyrýǵa kedergi bolyp otyrǵan shekteý sharalaryn alyp tastaý múmkindigin talqylady. Atap aıtqanda, aýyl sharýashylyǵy ónimderin jektkizýge kvota bólý, taýardy sertıfıkattaý úshin elektrondyq júıelerdi qoldaný jáne keden beketterine jóndeý júrgizýge ýaǵdalasty.

- «Ortalyq Azııa» halyqaralyq ónerkásiptik kooperatsııa ortalyǵynyń qyzmetin jandandyrý múmkindikteri talqylandy. Sonymen qatar, ózara taýar aınalymynyń kólemin 10 mlrd dollarǵa deıin jetkizýge baǵyttalǵan baǵdarlamany kelisý tártibi qaraldy, - dep málim etti ÓR Investıtsııa, ónerkásip jáne saýda mınıstrliginiń baspasóz qyzmetinen.

Eske salaıyq, byltyr Qazaqstan men Ózbekstan arasyndaǵy taýar aınalymy 4,2 mlrd dollardan asty. Atap aıtqanda, 2024 jyly resmı Tashkent Astanaǵa 1,4 mlrd dollardyń taýaryn eksporttap, 2,8 mlrd dollardan astam somaǵa taýar ımporttaǵan.

Buǵan deıin habarlaǵanymyzdaı, Ózbekstanda qazaqstandyq kapıtalmen myńnan astam kásiporyn jumys isteıdi. Bul rette resmı Astana men Tashkent arasyndaǵy óńiraralyq baılanys nyǵaıyp keledi.

Sonymen qatar Qazaqstan men Ózbekstandy baılanystyratyn jańa temirjol jelisi salynyp jatyr.