Qazaqstan men Ózbekstan Maqtaaraldaǵy sý basqan aımaqtardy qalpyna keltirý jóninde kelissóz júrgizdi

TÚRKІSTAN. QazAqparat – Búgin Qazaqstan Respýblıkasy Ekologııa, geologııa jáne tabıǵı resýrstar mınıstri Maǵzum Myrzaǵalıev Ózbekstannyń Sý sharýashylyǵy mınıstri Shavhat Hamraevpen kezdesti, dep habarlaıdy QazAqparat tilshisi.

Eki eldiń úkimet músheleri Maqtaaral aýdanynda bolǵan sý apatynan zaqym kelgen jerlerdi qalpyna keltirý jáne sý qoımalarynan keletin qaýiptiń aldyn alý boıynsha kelissóz júrgizýde.

QR Ekologııa, geologııa jáne tabıǵı resýrstar vıtse-mınıstri Erlan Nysanbaevtyń málimdeýinshe, sý tasýy múmkin degen Shardara sý qoımasynan keletin eshqandaı qaýip joq.

«Qazirgi sátte Maqtaaral jáne Jetisaı aýdanynda jalpy kólemi 7649 gektar aýyl sharýashylyǵy jerleri zaqymdanǵan. Osyǵan baılanysty geologııalyq zertteý jumystary júrgizilip jatyr»-, dedi E. Nysanbaev.

Sonymen qatar, kezdesý barysynda sý tasqyny bolǵan Maqtaaral aýdanynda aýylsharýashylyǵyna kelgen shyǵyn tolyq eseptelip jatqany aıtyldy.

Túrkistan oblystyq aýylsharýashylyǵy basqarmasynyń basshysy Nurbek Badyraqovtyń aıtýynsha, eginshiler jyldyń ekinshi jartysynda da daqylyn qaıta ósire almaıdy.

Egin sharýashylyǵymen kún kórip otyrǵan kásipkerlerdiń jalpy shyǵyny 3 mlrdqa jýyqtaıdy. Ótemaqy máselesi úkimettik komıssııaǵa usynyldy.