Qazaqstan men Ózbekstan qaýipsizdik máselesinde yntymaqtastyqty kúsheıtpek
ASTANA. QazAqparat - Qazaqstan Respýblıkasy Prezıdentiniń kómekshisi - Qaýipsizdik Keńesiniń hatshysy Vladımır Jumaqanov ózbekstandyq áriptesimen kezdesti, dep habarlaıdy QazAqparat tilshisi.
Vladımır Jumaqanov pen Ózbekstan prezıdenti janyndaǵy Qaýipsizdik keńesiniń hatshysy Vıktor Mahmýdovtyń tóraǵalyǵymen ótken jıynda josparly máseleler talqylaýdan ótti. Atalǵan is-sharalarǵa eki eldiń tıisti memlekettik organdardyń basshylary men jaýapty qyzmetkerleri qatysty.
Kezdesý barysynda qazaq-ózbek áskerı-tehnıkalyq yntymaqtastyǵyn ornatý, memlekettik shekarany kúzetý, sondaı-aq transshekaralyq sý resýrstardy birlesip paıdalaný máseleleri qaraldy.
Vladımır Jumaqanov dinı saladaǵy memlekettik retteý aıasynda tájirıbe almasýdyń mańyzdylyǵyna toqtaldy. Sonymen birge, quqyq qorǵaý salasyndaǵy eki el mamandary arasynda kezdesý ótkizýdiń mańyzdylyǵyn basa aıtty
Jıyn qorytyndysy boıynsha tájirıbelik sıpattaǵy keıbir máseleler jóninde ýaǵdalastyqtarǵa qol jetkizildi.
Ózbekstannyń qaýipsizdik keńesiniń delegatsııasy «EXPO-2017» halyqaralyq kórmesin aralap, onyń uıymdastyrylý deńgeıine joǵary baǵa berdi.
