Qazaqstan men Ózbekstan qaýipsizdik keńesteriniń keńeıtilgen konsýltatsııalary ótti

ALMATY. QazAqparat – Almaty qalasynda Qazaqstan Respýblıkasy men Ózbekstan Respýblıkasy qaýipsizdik keńesteri apparattary arasynda keńeıtilgen josparly konsýltatsııalar ótti, dep habarlaıdy QazAqparat tilshisi.

Qazaqstan Respýblıkasy Prezıdentiniń kómekshisi – Qaýipsizdik Keńesiniń Hatshysy Qalmuhanbet Qasymov pen Ózbekstan Respýblıkasy Prezıdentiniń janyndaǵy Qaýipsizdik Keńesiniń Hatshysy Vıktor Mahmýdov tóraǵalyq etken kelissózder barysynda eki memleket yntymaqtastyǵynyń ózekti máseleleri talqylandy.

Taraptar álemdik jáne óńirlik qaýipsizdik, Ortalyq Azııadaǵy qazirgi qaýip-qaterler, sondaı-aq halyqaralyq uıymdarda yntymaqtastyq boıynsha pikirlerin bildirdi.

Ekologııalyq qaýipsizdikti qamtamasyz etý salasynda da ózara árekettestik máseleleri egjeı-tegjeıli talqylandy.

Eki memlekettiń ekonomıkalyq júıeleri men halyqtar úshin mańyzdylyǵyna baılanysty transshekaralyq ózenderdiń paıdalanýy men qorǵaý salasyndaǵy yntymaqtastyqtyń aspektileri qaraldy.

Sonymen qatar sharanyń kún tártibine áskerı jáne áskerı-tehnıkalyq salasyndaǵy ózara árekettestik máseleleri engizildi.

Kezdesý nátıjesinde 2020-2021 jyldarǵa arnalǵan Qazaqstan Respýblıkasy Qaýipsizdik Keńesi apparaty Ózbekstan Respýblıkasy Prezıdentiniń janyndaǵy Qaýipsizdik Keńesi apparaty arasyndaǵy yntymaqtastyq jospary kelisilip, memlekettik organdarǵa naqty tapsyrmalar berildi.