Qazaqstan men Ózbekstan kásipkerlerlik baılanystardy nyǵaıtady
TAShKENT. KAZINFORM – Tashkentte Qazaqstan men Ózbekstannyń bıznes-forýmy ótti, dep habarlaıdy Kazinform agenttiginiń menshikti tilshisi.
Іs-sharaǵa eki eldiń úkimet músheleri jáne kásipkerler qatysty. Onyń barysynda bıznes ókilderi quny 71 mln dollar bolatyn kelisimshartqa qol qoıdy.
Forýmda belgili bolǵandaı, búginde Ózbekstanda Qazaqstan kapıtalynyń qatysýymen 1100 kásiporyn jumys isteıdi. Atap aıtqanda, qurylys, medıtsına, qarjy naryǵy jáne ІT salada el kompanııalarynyń úlesi basym.
- Eki eldiń ekonomıkasy birin-biri tolyqtyryp jatyr. Bul jaqsy úrdis. Memleket basshylary da osyndaı tapsyrma berdi. Bizdiń kásiporyndarymyz endi birlesken ónimderin úshinshi memlkketterge satýdy qolǵa alýy tıis. Osy turǵyda úlken jumystar atqarylyp ta jatyr, - dedi «Uztrade» AQ basqarma basshysy Avror Kýrbanov.
Saýda-sattyq forýmyna memlekettik deńgeıde mán berildi. Úkimet músheleri kásipkerlerdiń pikirin tyńdap, másele týyndaǵan jaǵdaıda, ony birigip sheshýdiń tetikterin qarastyrdy.
- Máselen, 2024 jyly 4,1 mlrd dollarǵa saýda-sattyq jasastyq. Bıyl 8 aıda bul kórsetkish 3 mlrd dollardan asty. Byltyrǵy kezeńmen salystyrǵanda 18%-ǵa ósim bar. Jalpy 2030 jylǵa deıin ózara taýar aınalymy kólemin 10 mlrd dollarǵa jetkizemiz dep senemiz, - dedi QR Saýda jáne ıntegratsııa vıtse-mınıstri Aıdar Ábildabekov.
Forým qorytyndysy boıynsha bıznes ókilderi ózara aqparat almasý úshin «V2V» formatyndaǵy kezdesýlerdi dástúrli túrde uıymdastyryp otyrýǵa ýaǵdalasty.
Eske salaıyq, birneshe kún buryn Tashkentte «Qazaqstan - Ózbekstan: Densaýlyq saqtaý, tehnologııa jáne kadr salasyndaǵy yntymaqtastyq» halyqaralyq forýmy ótti.