Qazaqstan men Ózbekstan Іshki ister mınıstrlikteriniń birlesken keńesi ótti
ASTANA. QazAqparat - Astana qalasynda QR Іshki ister mınıstriniń birinshi orynbasary, polıtsııa general-leıtenanty Marat Demeýovtiń jáne ÓR Іshki ister mınıstriniń birinshi orynbasary, polıtsııa general-maıory Davron Nazarmuhamedovtyń tóraǵalyǵymen Qazaqstan Respýblıkasy men Ózbekstan Respýblıkasy ishki ister mınıstrlikteriniń birlesken keńesi ótti, dep habarlaıdy atalǵan vedomstvonyń baspasóz qyzmeti.
Kezdesýge eki memlekettiń ishki ister mınıstrlikteriniń ortalyq apparattary jedel bólinisteriniń basshylary qatysty.
Іs-shara barysynda jedel bólinisterdiń eki jaqty yntymaqtastyǵy, onyń ishinde shekaralas óńirlerdegi yntymaqtastyqtyń perspektıvalary jáne basym máseleleri talqylandy.
Sonymen qatar, delegatsııa basshylary birlesken uıymdastyrýshylyq jáne praktıkalyq sharalardy kózdeıtin Qazaqstan ІІM jáne Ózbekstan ІІM birlesken keńesiniń hattamasyna qol qoıdy.
Іs-sharanyń qorytyndysy boıynsha Qazaqstan men Ózbekstan ishki ister mınıstrlikteriniń jumys kezdesýlerin ótkizý týraly ýaǵdalastyqqa qol jetkizildi.
Sapar barysynda Ózbekstannyń Іshki ister mınıstriniń birinshi orynbasary Davron Nazarmuhamedovty Іshki ister mınıstri Qalmuhanbet Qasymov qabyldady.
