Qazaqstan men Ózbekstan halyqaralyq júk tasymalyn retteýdiń onlaın júıesin engizdi

TAShKENT. KAZINFORM – Qazaqstan men Ózbekstan halyqaralyq júk tasymalyna beriletin ruqsat qujattaryn almasýdyń elektrondyq júıesin engizdi, dep habarlaıdy Kazinform agenttiginiń Tashkenttegi menshikti tilshisi Álıhan Asqar.

Ózbekstan Kólik mınıstrliginiń málimetinshe, elder arasyndaǵy júk tasymaly protsesin ońtaılandyrý maqsatynda ruqsat blankilerimen almasatyn «E-Permit» elektrondyq júıesi iske qosyldy. 

«E-Permit» júıesin qoldaný arqyly alǵash ret kvotalarmen almasý protsesi júzege asyp, júk kólikteri «ıAllama» keden beketinen ótti. Bul júıeni «Tsıfrlyq kólik» ortalyǵynyń mamandary pılottyq rejımde sátti iske qosty», - dep málim etti ÓR Kólik mınıstrliginen.

Sondaı-aq vedomstvo eki el arasyndaǵy júk tasymalyna qolaıly jaǵdaı jasaý úshin aldaǵy ýaqytta da zamanaýı tsıfrlyq tehnologııalardy keńinen engizýge erekshe kóńil bólinetinin atap ótti.