Qazaqstan men Ózbekstan ǵarysh keńistigin birlese zerttemek
Qujatta kelisim sheńberinde atqarylatyn jumys baǵyttary kórsetilgen. Negizinen Qazaqstan men Ózbekstan taraptary ǵarysh salasynyń ártúrli baǵyttarynda kadr daıarlaýǵa, astrofızıkalyq jáne planetalardy birlese zertteýge nıetti.
«Qazaqstan men Ózbekstan tarapy: ǵarysh keńistigin zertteý, jerdi qashyqtan zondtaý, ǵarysh apparattaryn jáne olardyń ózge de jabdyqtaryn qurastyrý, jerústi ǵarysh ınfraqurylymyn damytý, ǵarysh apparattaryn ushyrý, spýtnıktik navıgatsııalyq júıeler men tehnologııalardy engizý boıynsha kelisti», - delingen jumys baǵyttary aıqyndalǵan qujatta.
Sondaı-aq, eki el ǵylymı jáne tehnıkalyq mazmundaǵy aqparattar men zertteý materıaldaryn ózara bólisip otyrmaq. Kelisimde kórsetilgendeı, birlesken jobalar men baǵdarlamalardy iske asyrý úshin memlekettik bıýdjetten jáne ózge de kózderden qarjy tartylady.
