Qazaqstan men Ózbekstan eki el arasyndaǵy áýe qatynasyn keńeıtýge nıetti
Tashkent qalasynda «Uzbekistan Airports, Aviation & Logistics Forum 2020» halyqaralyq avıatsııa-logıstıka forýmy aıasynda QR IIDM Azamattyq avıatsııa komıtetiniń tóraǵasy Talǵat Lastaevtyń Ózbekstan Respýblıkasynyń Kólik mınıstri Elıar Ganıevpen, Áýe kóligin damytý departamentiniń bastyǵy Ulyqbek Bektashevpen, sondaı-aq «Uzbekistan Airports» AQ Basqarma tóraǵasy Rovshan Ismaılovpen kezdesýi ótti.
«Kezdesý barysynda taraptar Qazaqstan men Ózbekstannyń azamattyq avıatsııasyn damytý perspektıvalaryn, onyń ishinde Qazaqstannyń áýejaılarynda engizilgen «ashyq aspan» rejımi aıasynda sheteldik áýe kompanııalardy tartý boıynsha qabyldanǵan sharalardy talqylady. Sonymen qatar, taraptar Qazaqstan men Ózbekstan arasyndaǵy áýe qatynasyn odan ári keńeıtý qajettiligin rastady» delingen habarlamada.
Kezdesý qorytyndysy boıynsha eki el arasynda ruqsat etilgen jıilikter sanyn arttyrý, sondaı-aq Qazaqstan men Ózbekstannyń áýe tasymaldaýshylary úshin eki el aýmaǵynda jańa taǵaıyndaý pýnktilerin qosý boıynsha jumysty jalǵastyrýǵa qol jetkizildi.
