Qazaqstan men Ózbekstan birlesken áskerı oqý-jattyǵý ótkizip jatyr
TAShKENT. KAZINFORM – Qazaqstan men Ózbekstannyń áskerı qyzmetshileri birlesip, «Forısh» taýly polıgonynda «Hanjar-2024» taktıkalyq arnaıy oqý-jattyǵýyn ótkizip jatyr, dep habarlaıdy Kazinform agenttiginiń menshikti tilshisi.
Ózbekstannyń Qorǵanys mınıstrliginen málim etkendeı, oqý-jattyǵý barysynda eki eldiń áskerı qyzmetshileri túrli qarýdan oq atyp, halyq turatyn aýmaqtarda urys júrgizý taktıkasyn pysyqtaıdy.
Sondaı-aq, atalǵan oqý-jattyǵý aıasynda qatysýshylarǵa túrli is-sharalar uıymdastyrylady. Atap aıtqanda, fýtboldan jarys ótkizý jáne ejelgi Samarqan qalasyna ekskýrsııa jasaý josparlanǵan.
Eske salsaq, taıaýda Májilis zańnamaǵa áskerı-patrıottyq tárbıe máseleleri baǵytynda ózgerister engizýdi kózdeıtin zań jobasyn birinshi oqylymda maquldaǵan bolatyn.
