Qazaqstan men Ózbekstan birlesip «Hamkorlik-2021» oqý-jattyǵýyn ótkizedi

NUR-SULTAN. QazAqparat – Ózbekstannyń ońtústiginde ornalasqan «Termez» óńirlik polıgonynda bıyl 17-24 qarasha aralyǵynda Qazaqstan men Ózbekstan elderiniń birlesken oqý-jattyǵýy ótpek, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Birlesken manevrlerdiń maqsaty birlesken tapsyrmalardy sheshýde baýyrlas eki eldiń ózara is-qımyly men úılesimdilik deńgeıin arttyrý bolyp tabylady.

Elimiz tarapynan oqý-jattyǵýǵa 100-den asa áskerı qyzmetshi qatysyp, Sý-30SM kópfýnktsıonaldy joıǵyshtar býyny, S-295 áskerı-kóliktik ushaqtar, taktıkalyq ushqyshsyz ushý apparattary jumyldyrylady.

Qazaqstan bólimsheleri oryndaıtyn oqý-jaýyngerlik

tapsyrmalarynyń qataryna izdeý-barlaý operatsııalaryn júrgizý, qarsylastyń tájirıbeli jasaqtaryn joıý kezinde jaýyngerlik qorǵaý

bólimsheleriniń is-qımyldaryn pysyqtaý, shabýyl jasap zańsyz qarýlanǵan quralymdardy joıý, urys alańynan jaralylar men isten shyqqan tehnıkany

kóshirý kiredi.